رأيكم عن X5 2003

كان معى أختها 2006
السياره ما عليها كلام طبعا من ناحية القوه والأداء
بالنسبه للقطع أشوف أسعارها طبيعيه جدا بس مشكلتها فى شغل اليد لأن قليل اللى يفهم لها من بين سباكين الصناعيه
وقطع الغيار الألمانى فى المحلات نفس الوكاله
مثلا فحمات أمامى أو خلفى 200 و 180 ريال
سيفون أصلى 55
فلتر هوا 70
بواجى الحبه 35
كويلات الحبه 140 ريال
مقصات أمامى 130 الحبه
مساعدين أمامى 800 ريال بوش
خلفى 900 بوش
كله غيرته بالنسبه للقطع الاستهلاكيه
و لو تحتاج أى استفسار راسلنى على الخاص 

يعني موتر مر عليه13 سنه وكله مواصفات وطبعا بتنعدم بالوقت ذاا وش تبي فيه اغلب الbmw الموديلات من 2000 وفوق قروشه
بسبب التقنيه والهيدروليك وغيره نصيحه ابعد عن الشر وغنيله دور موتر احدث ما يتعبك لو بتاخذ موديل قديم مالك غير تويوتا

مين أحسن البليزر 2009 او X5 ؟؟؟

السلام عليكم لوتكرمت ابغى اعرف بكم لقيته لان معروض علي واحد 8 سلندر ومشكلته يبغالو كمبرسور مكيف

البليزر افضل كصيانة 

البليزر كان معي واحد، أدخل على اسمي وشوف التقرير إللي كتبته عنه،
لا أنصح بإقتناء هذه السيارتين.

رأيي من رأي ابواحمد 

لاتشتري هالسيارتين . 

البي ام قديم . والبليزر سياره شكلها سيء 

هذي السياره يبي لها عنايه خاصه بحكم المديل والشخص اللي بيستخدم اذا سواقتكك فيها دفاشه ابعد عنه
قيمة المساعد 1800 هيدروليك قطعه تقريبا نفس قطع غيار الe39 يعني غاليه شوي 
وبالنسبه للتصليح شف لك واحد فاهم بالاكس فايف 

السيارة لو نظيفة ما عليها خلاف 
يبقى بي ام رساوة وقيادة ألماني 
ولكن 
عندك ثلاث مشاكل 
أول وحدة :
القطع وتوفرها لا قدر الله ان احتجت قطع مؤثرة كدينمو كمبروسر الخ 
الثانية : 
شغل اليد للورش ( لأن الورش تصعق لما تشوف سيارة ألماني ) لو كانت م 90 ( مجرب فرخ الشبح م 87 ) كل يهج عنها وتروح للي معلق لوحة ألماني ويصلخك بالفلوس على شغلة ما تسوى - الحل انك تزبط أحد -
الثالثة : 
عند البيع :
الارزق عند ربي بس لا توقع انها راح تمشي بسرعة او تجيب لك سعر كويس 

اذا كانت نظيفة وتقدر تحل هالثلاث مشاكل - بطريقتك - 
استخير وخذها 

ازيد على كلام ابو سلمى
لا تبني قرارك بناءا على القطع الاستهلاكيه فقط وشوف وش راح يكون وضعك لو طلعت مشكله بالثرتل مثلا وكل السباكين ما عرفولها غير ابو شكيب راعي الورشه الفخمه عشانه نادر وورشته فخمه وانت المفروض انك فخم لازم تدفع مبلغ خيالي غير اسعار
القطع
الشركه تدري ان الفحمات وغيره اذا ما رخصوها واحد ثاني بيصنعها برخيص عشان كذا الاستهلاكي رخيص ويصلخونك في الباقي

نصيحه مجرب اذا راتبك مو قوي ويستحمل اصلاحات بالالوف انحش

الله يعطيكو العافية ما قصرتو 

اتحدث عن الشكل الخارجي ، الاكس فايف أجمل قصة جيب على الاطلاق. مغري وجذاب شكله. 
البليزر نفسي التقي باللي صممه واقلله حسبي الله عليك :p
بالنسبة للخرابات والقطع الله يعفينا ويعفيك كل الجيوب متعبة ومكلفة صيانتها

وكيف تعرف النظيف البي ام اكس 5 كلها من الداخل ورده